አምስት የመንግሥት ከፍተኛ የሥራ ኃላፊዎች በጡረታ እንዲያርፉ ተደረገ

አዲስ አበባ፣ ግንቦት 7፣ 2010 (ኤፍ.ቢ.ሲ) አምስት የመንግሥት ከፍተኛ የሥራ ኃላፊዎች በጡረታ እንዲያርፉ መደረጉን የጠቅላይ ሚኒስትር ጽህፈት ቤት አስታወቀ።

ጽህፈት ቤቱ፥ ሀገሪቱ እያካሄደች ያለችው ሪፎርም የተሳካ እንዲሆን የማድረጉ ስራ እንዲሁም ለህዝቡ የልማትና ለውጥ ፍላጎት ተገቢ ምላሽ የመስጠቱ ሥራ ተጠናክሮ እንዲቀጥል የሚያግዙ እርምጃዎች እየተወሰዱ ይገኛሉ ብሏል።

የሶደሬኦንድማንድን አፕልኬሽን በማውረድ ፊልሞች ከመለቀቃቸው በፊት ተመልከቱ Download SodereOnDemand app watch full movies before they are released. Apple, Android and Roku SodereOnDemand apps. 

          

ከእነዚህ እርምጃዎች መካከል ጠቅላይ ሚኒስትር ዶክተር አብይ አህመድ እያካሄዱት ያለው የካቢኔ ለውጥ እንደሚገኝበትም ጽህፈት ቤቱ ገልጿል።

ጠቅላይ ሚኒስትሩ የተለያዩ የመንግሥት ተቋማት በአዳዲስ ኃላፊዎች እንዲመሩ በማድረግ ላይ ይገኛሉ ያለው ጽህፈት ቤቱ፥ ከዚሁ ጋር በተያያዘ ለበርካታ ዓመታት በመንግስት ኃላፊነት ቦታዎች ያገለገሉ ከፍተኛ የመንግሥት የሥራ ኃላፊዎችም በጡረታ እንዲያርፉ እየተደረገ መሆኑን አስታውቋል።

በዚህም መሰረት በጡረታ እንዲያርፉ የተደረጉ ከፍተኛ የመንግሥት የሥራ ኃላፊዎች

1. አቶ ስብሐት ነጋ- የውጭ ግንኙነት ስትራቴጂክ ጥናት ኢንስትቲዩት ዋና ዳይሬክተር ጀነራል

2. ዶክተር ካሱ ኢላላ- ከፖለሲ ጥናትና ምርምር ማዕከል

3. አቶ በለጠ ታፈረ- ከተቀናጀ የመሬት አጠቃቀም፣ ዕቅድና ፖሊሲ ዝግጅት ፕሮጀክት

4. አቶ ታደሰ ኃይሌ – ከንግድና ኢንዱስትሪ የፖሊሲ ዕቅድ አፈጻጸምና ክትትል

5. አቶ መኮንን ማንያዘዋል- ከፖሊሲ ምርምር ማዕከል

በቀጣይም ረዥም ጊዜ በመንግስት ኃላፊነት ቦታዎች ላይ ያገለገሉ በጡረታ እንዲያርፉ የማድረጉ ሥራ እንደሚቀጥልም ጽህፈት ቤቱ አስታውቋል።

About The Author

Related Posts

Leave a Reply

Your email address will not be published.